Մեր տան պատվո սուրբ կնիք,
Հայր իմ, դու կես հայրենիք:
Հովհաննես Շիրազ
Իմ սիրելի հայրիկ` Ռուբիկ Աշոտի Թովմասյան, Սասուն աշխարհի զավակ, Խաբլջոզի Մանուկի թոռ, Թալինի շրջանի Աշնակ գյուղում ծնված ու մեծացած, Թովմասյան գերդաստանի պարծանք ու հպարտություն...
Դու պատվով ես անցել կյանքի մի դժվարին ուղի` լի բազում փորձություններով, խոչընդոտներով ու արգելքներով, վերելքներով ու վայէջքներով, պատված ամեն տեսակ քարերով ու տատասկներով: Քո ապրածն ու տեսածն անգին է, խորն ու անմատչելի: Մաքառման, անսպառ ուժի ու եռանդի, պայքարի ու հաղթահարման շնորհիվ դու տոնել ես հաղթանակներ, կերտել հարուստ կենսագրություն, նվաճել տարիների պատիվ ու բերկրանք, ձեռք բերել խորիմաստ կենսափորձ ու գիտելիքների հսկայական պաշար: Ես հպարտ եմ քեզնով, քո մեծագին ներուժով, քո հասած բարձունքներով, կատարած անգնահատելի աշխատանքով ու վաստակով:
Դու իմ խելացի ու իմաստուն, հայրենասեր ու ավանդապաշտ, հեռատես ու շրջահայաց, ազնիվ ու շիտակախոս, խիստ ու արդար, զգայուն ու նրբանկատ, բարեհոգի ու պարկեշտ, խստապահանջ, աշխատասեր, պարտաճանաչ ու պատասխանատու, սերունդներ կրթած ու դաստիարակած վաստակաշատ գիտնական, պերճախոս հռետոր ու սեղանների անփոխարինելի թամադա, բազմաթիվ հոդվածերի ու գրքերի հեղինակ, նվիրված ամուսին, հոգատար ու սիրող հայր, Լանա և Ռուբեն թոռնիկների սիրառատ պապիկ, բարեխիղճ տնօրեն, հավատարիմ ընկեր, շախմատի փորձառու վարպետ, հայորդի ու ՄԵԾ ՄԱՐԴ...
Պարո՛ն Թովմասյան` այսպես են դիմում քեզ ամենուրեք հանդիպող ծանոթներդ ու նախկին ուսանողներդ, խորին հարգանքով մոտենում, ջերմորեն բարևում ու անկեղծ զրուցում: Քո փոխանցածն համակողմանի է, ընդգրկուն ու մեծարժեք: Քո կարդացած հազարավոր գրքերի արտացոլանքն է քո մեջ, դու հարուստ ես քո խոսքով, որն համեմված է մեր մեծերի մեջբերումներով ու հարուստ ժառանգությամբ:
Շնորհավոր ծնունդդ, սիրելի՛ հայրիկ: Ցանկանում եմ, որ ամուր առողջություն ունենաս, ապրես խաղաղ ու հանգիստ ու շարունակես քո սկսած գործը: Դու մեր տունն ես, մեր տան ամրության պահպանումն ու հույսն ես: Մենք խոստանում ենք միշտ բարձր պահել քո անունն ու պատիվը:
Ես Տիգրան չծնվեցի, բայց... Բայց դժվար թե այդ Տիգրանը քեզ ինձնից շատ սիրեր, չէ՞ որ հայր ու աղջիկ իրար ուրիշ սիրով են սիրում: Ես նման եմ քեզ թե՛ արտաքնապես, թե՛ բնավորությամբ: Դու միշտ կատարում ես բոլոր ցանկություններս, դու և՛ հայր ես, և՛ եղբայր, և՛ ընկեր: Գիտեմ, որ ինձ և ոչ մի հարցում չես մերժի, միշտ կանգնած կլինես կողքիս, կպաշտպանես ու կաջակցես, կոգևորես ու կուղղորդես:
Սիրում եմ, երբ մեզ միասին տեսնելիս բոլորը միանգամից բացականչում են, որ նման եմ քեզ, ու դու հպարտ ժպտում ես: Քո կերպարը շատ վաղուց է արմատացած իմ մեջ` քո ուժի ու բարության, քո ներքին ու արտաքին հատկանիշների ամբողջության մարմնացումը: Ես հպարտ եմ, որ Թովմասյան եմ ու հենց քո դուստրն եմ:
Սասունցու արմատներից երբեք չշեղվող հայրենի գյուղի սրտացավ զավակ, քո խորհրդով ու խրատով, քո պատրաստակամությամբ ու օժանդակությամբ դու կանգնած ես համագյուղացիներիդ կողքին թե՛ ուրախության, և թե՛ տխրության պահին` լինեն մեծ, թե փոքր: Սրտատեր ամեն ծառ ու ճյուղի, բերք ու բարիքի հանդեպ` քո մեջ սասունցու ուժն է ու ոգին:
Շնորհավոր ծնունդդ, սիրելի՛ հայրիկ: «Պապայի աղջիկը» սիրում է քեզ անսահման, անեզր ու անափ: Ես քեզ գարնան ջերմությամբ բացվող բերկրաշատ օրեր եմ մաղթում, պայծառ արևի շողով ողողված հարատև ընթացք, քաջառողջություն ու երկար-երկար տարիների լույս...
18.12.2015 թ.
Պարո՛ն Թովմասյան` այսպես են դիմում քեզ ամենուրեք հանդիպող ծանոթներդ ու նախկին ուսանողներդ, խորին հարգանքով մոտենում, ջերմորեն բարևում ու անկեղծ զրուցում: Քո փոխանցածն համակողմանի է, ընդգրկուն ու մեծարժեք: Քո կարդացած հազարավոր գրքերի արտացոլանքն է քո մեջ, դու հարուստ ես քո խոսքով, որն համեմված է մեր մեծերի մեջբերումներով ու հարուստ ժառանգությամբ:
Շնորհավոր ծնունդդ, սիրելի՛ հայրիկ: Ցանկանում եմ, որ ամուր առողջություն ունենաս, ապրես խաղաղ ու հանգիստ ու շարունակես քո սկսած գործը: Դու մեր տունն ես, մեր տան ամրության պահպանումն ու հույսն ես: Մենք խոստանում ենք միշտ բարձր պահել քո անունն ու պատիվը:
Ես Տիգրան չծնվեցի, բայց... Բայց դժվար թե այդ Տիգրանը քեզ ինձնից շատ սիրեր, չէ՞ որ հայր ու աղջիկ իրար ուրիշ սիրով են սիրում: Ես նման եմ քեզ թե՛ արտաքնապես, թե՛ բնավորությամբ: Դու միշտ կատարում ես բոլոր ցանկություններս, դու և՛ հայր ես, և՛ եղբայր, և՛ ընկեր: Գիտեմ, որ ինձ և ոչ մի հարցում չես մերժի, միշտ կանգնած կլինես կողքիս, կպաշտպանես ու կաջակցես, կոգևորես ու կուղղորդես:
Սիրում եմ, երբ մեզ միասին տեսնելիս բոլորը միանգամից բացականչում են, որ նման եմ քեզ, ու դու հպարտ ժպտում ես: Քո կերպարը շատ վաղուց է արմատացած իմ մեջ` քո ուժի ու բարության, քո ներքին ու արտաքին հատկանիշների ամբողջության մարմնացումը: Ես հպարտ եմ, որ Թովմասյան եմ ու հենց քո դուստրն եմ:
Սասունցու արմատներից երբեք չշեղվող հայրենի գյուղի սրտացավ զավակ, քո խորհրդով ու խրատով, քո պատրաստակամությամբ ու օժանդակությամբ դու կանգնած ես համագյուղացիներիդ կողքին թե՛ ուրախության, և թե՛ տխրության պահին` լինեն մեծ, թե փոքր: Սրտատեր ամեն ծառ ու ճյուղի, բերք ու բարիքի հանդեպ` քո մեջ սասունցու ուժն է ու ոգին:
Շնորհավոր ծնունդդ, սիրելի՛ հայրիկ: «Պապայի աղջիկը» սիրում է քեզ անսահման, անեզր ու անափ: Ես քեզ գարնան ջերմությամբ բացվող բերկրաշատ օրեր եմ մաղթում, պայծառ արևի շողով ողողված հարատև ընթացք, քաջառողջություն ու երկար-երկար տարիների լույս...
18.12.2015 թ.
