Խոստանում եմ․․․

1. Խոստանում եմ արդուկել շորերդ, բայց հետո հնարավոր է ստիպված լինես ինձ այրվածքաբանության կենտրոն տանել:
2. Խոստանում եմ երգել քեզ համար, ես լավ եմ երգում:
3. Խոստանում եմ չծիծաղել հասարակական վայրերում:
4. Խոստանում եմ երբեք չհիշեցնել մեր առաջին հանդիպման 409-րդ և 618-րդ օրերը, ինքս էլ դժվար հիշեմ:
5. Խոստանում եմ համբուրել սիրելի աչքերդ, երբ դու քնած լինես: Բայց եթե հանկարծ այդ պահին արթնանաս, խուճապահար չլինես:
6. Խոստանում եմ ճաշ պատրաստել քեզ համար, բայց վստահ չեմ, որ դրանից հետո ի վիճակի կլինեմ կատարել մյուս խոստումներս: 
7. Խոստանում եմ հավատարիմ լինել` ինձ անհանգստացնող ու երջանկացնող ամեն մանրուք հենց քեզ պատմել ու սեր բառը լսելիս քեզ հիշել:
8. Խոստանում եմ ծիծաղեցնել քեզ, երբ խիստ ու լուրջ հայացքով ինձ նայես:
9. Խոստանում եմ խանգարել քեզ հեռախոսով խոսելիս:
10. Խոստանում եմ երբեք չիջնել երկնքից ու քեզ վերև բարձրացնել:
11. Խոստանում եմ խաղալ քո նուրբ մատների հետ:
12. Խոստանում եմ երբեք ուրիշների ներկայությամբ չխոսել թերություններիդ մասին:
13. Խոստանում եմ չխնդրել սուրճ մատուցել ինձ անկողնում, կամ ընթրիք կազմակերպել մոմերի լույսի ներքո, զզվում եմ նման բաներից:
14. Խոստանում եմ գրել քեզ համար:
15. Խոստանում եմ չստել, երբեք և ոչ մի պարագայում: 
16. Խոստանում եմ չարթնացնել քեզ որևէ անեկդոտ պատմելու համար:
17. Խոստանում եմ հարգել ու սիրել ծնողներիդ:
18. Խոստանում եմ միշտ նույնքան լուսավոր մնալ:
19. Խոստանում եմ չվիճել, չբողոքել, չտրտնջալ: Դրանք չեն աշխատում, ավելի խելամիտ մեթոդներ է պետք մտածել:
20. Խոստանում եմ քեզ ավելի լավը դարձնել:
21. Խոստանում եմ միշտ ստիպել քեզ ժպտալ, ինչպես հենց հիմա արեցի...